Liber Josue Ben Nun*
Caput 9: Versus 19
Juravimus.[AUG., quaest. 13 in Jos.]Quaeritur quomodo jurationem hanc servandam crediderunt Hebraei Gabaonitis, etc., usque ad si quod ira perturbatus juraverat, non fecisset, quam si perfecisset.[ISID. in Jos.]Gabaonitae significant eos qui credunt, et erga servos Dei devoti vel Ecclesiae cultum videntur habere, nihil tamen emendationis vel devotionis vel innovationis habent in moribus, tales tantummodo quoddam signum salutis intra Ecclesiam temporaliter praeferunt. Inter spirituales autem, id est inter sanctos Dei, regnum aeternum vel libertatem non consequuntur.